حصريا ::اتعلم الفقه بسهوله جدا :: مع فونيكات - منتديات فونيكات

**ضاضمر** · #1 (**permalink**) 24-05-2010, 03:32 PM

السلام عليكم ورحمه الله وبركاته

ايه رأيكم يا جماعه فى الفقه ؟؟؟؟؟؟؟؟

أكيد كل انسان محتاج يتعلم الفقه عشان على الاقل يفيد نفسه

ومش كل شويه يتلغبط فى ابسط المسائل اللى ممكن يحتاجها فى يومه

وخصوصا فى بعض المسائل المتعلقه بالفيميلز وهى ممكن مش تسال عشان الاحراج

وبكدة مش هتعرف تتعلم دينها وهتعبد ربنا على جهل وده طبعا مش مطلوب

وبرضه فى مسائل كتيرة جدا محتاجنها فى اليوم بتاعنا

زى مثلا الوضوء والصلاه والمعاملات والبيوع

بس فى مشكله صغيرة ان الفقه صعب شويه وعايز من الانسان انه يحضر الدروس فى المساجد

وكل درس ساعه ونص او اكتر طبعا مفيش شك اللى هيعمل كدة يبقى اختار الصح

لكن نظرا للكسل وضعف الهمه

هنتعلم هنا مع فونيكات الفقه اللى احنا هنحتاجه ان شاء الله

والشريط هيكون مش اكتر من ربع ساعه

وكل اسبوع شريطين او تلاته واسلوب بسيط ان شاء الله

وهيكون فى كتابة وصوت لكن عشان الاسكنار بتاعى بايظ اليومين دول هيكون صوت بس مؤقتا

وزى ما قلت الشريط مش هيعدى ربع ساعه ان شاء الله ولو عدى ربع ساعه من حقك

انك تشتكى للإدارة بدفع غرامه من العضو ضاضمر وحرمانه من منتدى فونيكات مدة

10 دقايق

يا ريت الموضوع يكون خالص لله ويعجبكم وتستفيدوا منه كتير

وطبعا بعد كل شريط من حق كل عضو انه يسأل اى سؤال ليه علاقه بالدرس نفسه

وانا اشاء الله احاول اخد سؤاله وهسأل عليه عشان اجيب له الاجابه

واللهم فقهنا فى الدين وعلمنا التأويل

وان شاء الله انا منتظر رد المشرف على قسم الاسلاميات

ولو فى قبول هرفع ان شاء الله اول شريط النهارده

وهيكون بشكل ثابت كل اتنين وخميس شريط

ولو فى اقبال ممكن نزود شويه

وزى ما قلت الشريط مدته صغيرة جدا ولا تتعدى الربع ساعه

يعنى هيكون ببساطه جدا انك ممكن تتعلم دينك وتنشره كمان وتبقى ليك الاجر

سبحانك اللهم وبحمدك اشهد أن لا إله إلأا انت استغفرك واتوب اليك

**Mo7amedElbadawy** · #2 (**permalink**) 03-07-2010, 03:12 PM

جزاك الله خيرا

في انتظار الشرائط أحر من الجمر ويكون في الأنفو اسم فونيكات

**SuNLighT** · #3 (**permalink**) 04-07-2010, 06:25 AM

الفكرة عجبتني جداااااااااااا

علي الاقل مش هتاخد وقت

و هنستفيد كمان

و منتظرة اول شريط ان شاء الله

و جزاك الله كل خير

**sweet_nov** · #4 (**permalink**) 04-07-2010, 01:45 PM

الفكرة أكثر من رائعة ,,وربنا يوفقك فيها ,,وياريت تكون الاجابة من عالم ثقة .. بجد ربنا يجزيك كل خير

**ضاضمر** · #5 (**permalink**) 04-07-2010, 06:30 PM

إن شاء الله نبدأ بالدرس الاول

الشريط حجمه صغير 3 ميجا

مدته 10 دقايق

ومزود بورق مفرغ لكل شريط ان شاء الله تعالى

يعنى ممكن تطبع الورق ده وتتابع الصوت مع الورق

وبالتالى هيكون اسهل فى الفهم والحفظ

اولا تحميل الشريط الاول وهو مقدمه بسيطه جدا عن الوضوء

PZ
http://multiprotect.info/491966
DIRECT
http://multiprotect.info/491984
DUCKLOAD
http://multiprotect.info/491989
EXTABIT
http://multiprotect.info/491997
FILEFLYER
http://multiprotect.info/492005
MEDIAFIRE
http://multiprotect.info/492007
MULTIUPLOAD
http://multiprotect.info/492008
RGHOST
http://multiprotect.info/492009
X7
http://multiprotect.info/492010

ثانيا تحميل الورق وهو ملخص للشريط الاول

PZ
http://multiprotect.info/492011
MULTIUPLOAD
http://multiprotect.info/492012

سبحانك اللهم وبحمدك اشهد ان لا اله الا انت استغفرك واتوب اليك

ولو فى اى حاجة مش مفهومه ممكن اى واحد يسأل اللى هو عايزه

**ضاضمر** · #6 (**permalink**) 04-07-2010, 06:31 PM

طبعا التحميل اختر سيرفر واحد فقط

**SuNLighT** · #7 (**permalink**) 05-07-2010, 07:43 AM

جااااااري التحميل يا ضماضر

و جزاك الله كل خير

**mahrous** · #8 (**permalink**) 29-08-2010, 01:46 AM

مشكوووووووووووووووووووووووووووووووووووور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري